Тромбоциттер

Тромбоциттер (тромб жана гр. kуtos - орун, клетка) - айбанат жана кишинин кан клеткаларынын бир түрү.

Тромбоциттер.

Алар кандын уюшуна катышат. Омурткалуу жаныбарлардын (сүт эмүүчүлөрдөн башка) Тромбоциттери майда, сүйрү жана цитоплазмасы начар боёлгон, ал эми сүт эмүүчүлөр жана кишинин Тромбоциттери (б. а. кан пластинкалары) - диаметри 2-5 мкм болгон ядросуз денечелер. Нормада 1 мм3 канда 250-350 мин, Тромбоциттер болот. Тромбоциттердин курамында серотонин жана кандын уюшуна катышуучу заттары бар атайын бүртүкчөлөр, ошондой эле митохондриялар, микротүтүкчолер, кээде рибосомалар байкалат. Сүт эмүүчүлөрдө Тромбоциттер кан пайда кылуучу органдарда жаралат. Тромбоциттер сүт эмүүчүлөр менен кишиде 5-9 сутка жашайт

Колдонулган адабияттар

• Кыргыз Совет Энциклопедиясы. Башкы редактор Б. О. Орузбаева. -Фрунзе: Кыргыз Совет Энциклопедиясынын башкы редакциясы, 1980. Т. 6. Тоо климаты - Яшма. -656 б.