Шоробашат маданияты

Шоробашат маданияты — биздин заманга чейин 4-1-кылымдарга таандык археологиялык эстелик; Өзгөн шаарынан 10 км түштүк-батышта Жазы дарыясынын оң өйүзүндө жайгашкан. Шоробашат шаар калдыгынын атынан аталган. Жалпы аянты 70га. Шоробашат маданияты үч бөлүктөн турат. Чыгыштан батышка карай узундугу 3 км, туурасы 38 м, бийиктиги 6 м чеп менен курчалган. Калк жыш жайгашкан турак жайлардан жана шаардын борбордук сепилинен турат. 8 км аймакта 70ден ашык турак-жай калдыктары, колго жана чарыкка кооздолөп жасалган карапа идиштер, колодон жана темирден жасалган бөюмдардын калдыктары табылган. Шоробашат маданиятынын аймагында Ферганада биздин заманга чейин 3-1-кылымга таандык “Шоробашат” шаары жайгашкан деп божомолдонот.