ЭлТР

ЭлТР мамлекеттик телерадиоберүү компаниясы (кыскача ЭлТР) — Кыргызстандын дээрлик жалпы аймагын өзүнүн телеберүүлөрү менен камсыз кылган мамлекеттик телерадиоберүү компаниясы болуп санаталат.

ЭлТР
ЭлТР мамлекеттик телерадиоберүү компаниясы
2024-жылы колдонуулучу логотип
Жалпы маалымат
Өлкө	Кыргызстан
Берүү чөлкөмү	Жер Кыргызстан Казакстан Кытай Тажикстан Өзбекстан Орусия
Берүү убактысы	07:00-01:00
Берүү тилдери	Кыргызча, Орусча
Борбордук башкаруу	Бишкек
Сүрөттүн форматы	4:3:SDTV 16:9:SDTV
Каналдын багыты	Мамлекеттик
Алгачкы берүү күнү	Теле - 1970-жыл (Радио - 2020-жыл)
Жетекчиси	Эрлан Догдурбеков
Мурдагы аталыштары	Ош (1970-1999) Ош-3000 (1999-2005)
Курамындагы каналдар	ЭлТР Билим Илим
Дареги	Бишкек Эркиндик бульвары, 122/3
www.eltr.kg
Онлайн
Онлайн көрүү

ЭлТРдин курамында «Билим жана Илим» телеканалы жана «ЭлФМ» радиостанциясы иш алып барат.

Тарыхы

1967-жылдын 15-сентябрында Кыргыз ССР Министрлер Советинин алдындагы радио уктуруу жана телекөрсөтүү комитетинин коллегиясынын чечими менен «Радиоуктуруунун Ош облустук башкы редакциясы» негизделген. Алгачкы уктуруу 1968-жылдын 20-январында кечки саат 20:00дө экинчи программа аркылуу Кыргызстандын түштүк аймагынын калкына тартууланган.

1970-жылдын 9-сентябрында көгүлтүр экранда «Ош студиясы» алгачкы көрсөтүүсүн тартуулады. Кийинки жылдары бул каналдын макамы бир нече жолу өзгөрүп турган.

Кыргыз Республикасынын Президентинин 2005-жылдын 10-декабрындагы Жарлыгы менен «Ош-3000» телерадиокомпаниясы «ЭлТР» коомдук телерадиоберүү компаниясы болуп өзгөртүлгөн.

Кыргыз Республикасынын Өкмөтүнүн 2015-жылдын 16-мартында Токтому менен «ЭлТР» коомдук телерадиоберүү компаниясы «ЭлТР» мамлекеттик телерадиоберүү компаниясы макамын алып, мамлекеттик телерадиокомпаниясы болуп калган жана ошол убактан бери иштеп келет.

Тышкы шилтемелер

• ЭлТР телерадиокомпаниясынын расмий сайтындагы маалыматтар