Эмилбек уулу Айбек
ЭМИЛБЕК уулу Айбек – энциклопедист, Кыргызстандагы мыкты физик мугалимдердин бири. 1987-жылы 4-августта Нарын областына караштуу, Кочкор районунун Кочкор айылында медицина кызматкерлеринин үй-бүлөсүндө жарык дүйнөгө келген. Атасы – Ысагалиев Эмилбек, саламаттыкты сактоонун отличниги, апасы – Алиева Сүйүм, «Баатыр эне» медалынын ээси. А. Эмилбек уулу 1994-жылы мектеп босогосун аттап (К. Бай уулу жана И. Арабаев атындагы орто мектептери), 2005-жылы мектепти «артыкчылык аттестаты» менен аяктаган. 2005-жылы Ж. Баласагын атындагы Кыргыз улуттук университетинин Физика жана электроника факультетине тапшырып, аны 2010-жылы «артыкчылык диплому» менен бүткөн. Учурда КУУнун аспиранты. Бир катар грамота, ардак грамота жана дипломдор менен сыйланган.
- 2008-2010-жылдары Кыргыз Республикасынын Улуттук китепканасында библиограф, 2010-жылдан бүгүнкү күнгө чейин Улуттук компьютердик гимназияда физика мугалими, Кыргыз Улуттук энциклопедиясында физика жана спорт тармагы боюнча редактор болуп эмгектенет. Жыйырмага жакын публицистикалык, онго жакын илимий эмгектердин автору.
Эмгектери түзөтүү
- Булактан тунук махабат. Ырлар жыйнагы. – Б.: Бишкек-Транзит, 2011.
- Ой жүгүртүү түшүнүгү жөнүндө. КУУнун Жарчысы. - Б., 2011.
- Физика сабагында тескери образды колдонуу. КББАнын Жарчысы. - Б., 2011.
- Менин педагогикалык философиям // Кут билим. – 2011. - 15-июль. – №26.
- Окуучулардын ой жүгүртүүсүн өнүктүрүүчү көнүгүүлөр системасын түзүү. КМУнун Жарчысы. - Б., 2012.
- Биринчи декан // Кыргыз-Туусу. - 2012. – 29-май. - №41. – Б. 10.