Үмүт мөңгүсү

Үмүт мөңгүсү — Жетим кырка тоосунун түш. капталында жайгашкан өрөөн тибиндеги мөңгү. Уз. 3,8 км, аянты 3,0 км². Чоң Нарын суусунун оң куймалары Чоң Төр жана Кичи Корумду сууларынын аралыгындагы өзөндүн төрүндө жайгашкан. Мөңгү тоонун кырынан башталып, адегенде чыгышты, андан түштүк батышты карай дого сымал ийилип жатат. Башы деңиз деңг. 4700 м, этеги 3920 м бийиктикте жатат. Кар чегинин бийикт. 4330 м. Абляция облусунун аянты 1,5 км². Мөңгүдөн башталган өзөн Чоң Нарынга оң тараптан куят.

Колдонулган адабияттар

• Кыргызстандын географиясы, Бишкек-2004. ISBN 9967-14-006-2

Интернеттеги айрым шилтемелер

• мөңгү(жеткиликсиз шилтеме)