Cаясий кызыкчылыктар
 |
Параметр text не задан |
Саясий кызыкчылыктар (латын тилинен келген interest – мааниси бар, олуттуу) – социалдык субъекттердин (индивиддер, топтор, катмарлар, таптар) коомдун саясий турмушуна катышууга өздөрүнүн объективдүү мүмкүнчүлүктөрүн аңдап билүүсү; өздөрүнөн абалын турукташтыруу же жакшыртуу максатында ушул субъекттердин саясий-башкаруу ишмердигине карай идеалдуу умтулуусу.
Саясий кызыкчылыктар бир нече негиздери боюнча төмөнкүлөргө бөлүнөт:
а) алып жүрүүчүлөрү боюнча: улуттук, этникалык, таптык, жамааттык;
б) коомдук өнүгүүнүн агымдарына карата мамилелери боюнча: прогрессивдүү, реакциялык жана башка:
в) кызыкчылыктарды көрсөткөн органдары боюнча: мамлекеттик, партиялык, коомдук уюмдар жана бирикмелер;
г) саясий багыттын мүнөзү боюнча: ашынган солчулдар, солчулцентристтер, центристтер, оңчулцентристтер, оңчулдар, ашынган оңчулдар;
д) саясий режимдин мүнөзү боюнча: тоталитардык, авторитардык, демократтык жана башка. Саясий кызыкчылыктардын өзөгүн саясий бийлик маселеси түзөт.
 |
Бул макалада башка тил бөлүмүнө шилтеме жок. Сиз аларды издеп бул макалага кошуп, долбоорго жардам берсеңиз болот.
|
Колдонулган адабияттар
түзөтүү- Мамлекеттик тил жана энциклопедия борбору. Саясат таануу. Энциклопедиялык окуу куралы. – Б.: 2004, ISBN 9967-14-011-9