Арарат

Арарат (түркчө Агрыдаг - «ийри тоо»; армянча Масис - улуу; иранча - «Ной тоосу») — Армян тайпак тоосундагы эң бийик жанар тоо массиви. Түркиянын чыгышында (Армения менен Ирандын чегараларына жакын жеринде). Негизи бирге эки конустан - Чоң Арараттан (бийиктиги 5165 м) жана Кичи Арараттан (3925 м) турат. Базальт тоо-тектеринен түзүлгөн. Капталдарында лава, 4250 мден жогору дайыма кар жатат; 30дай мөңгү бар.

Колдонулган адабияттар

“Кыргызстан” улуттук энциклопедиясы: 1-том. Башкы ред. Асанов Ү. А., Б.: Мамлекеттик тил жана энциклопедия борбору, 2006. ISBN 9967—14— 046—1