Кербела: нускалардын айырмасы

'''Кербела''' – [[Ирак|Ирактын]] борбордук бөлүгүндөгү шаар. Кербела мухафазасынын (административдик-аймактык бирдик) административдик борбору. [[Евфрат дарыясы|Евфрат дарыясынын]] өрөөнүндө жайгашкан. Шаар аркылуу Багдад жана Меккени байланыштыруучу жол өтөт. Мусулманшейиттердин ыйык шаары жана зыярат кылуучу жайы. Калкы 498,3 миң (2008). Ашур майрамы мезгилинде калкы 3 млнго чейин жетет (негизинен [[Иран|Ирандан]] келген зыяратчылардын эсебинен). Ири соода-жол тоому. Тамак-аш (кант, жашылча консервалары), жеңил, текстиль, булгаары-бут кийим, цемент өнөр-жай ишканалары иштейт. Кол-өнөрчүлүк (негизинен диний буюмдар) өнүккөн. Кербелада 100дөн ашык мечит, 23 медресе, университет бар. Кербела 7-кылымда негизделген. Бул шаарда Мухаммед пайгамбардын небереси Кусейиндин күмбөзү (680-ж. ушул жерде өлтүрүлгөн), орто кылымдын архитектура эстеликтеринен имам Кусейиндин мавзолейи (мечит медресеси жана; 1991-ж. шейиттер, 2000-жылдын ортосунда террористтер тарабынан катуу талкаланып, кийинчерээк калыбына келтирилген), Аббас мечит-мавзолейи, акын Физулинин күмбөзү, шаардын айланасында Омейяддардын сарай-капкасынын урандылары сакталган.

* [[“Кыргызстан” улуттук энциклопедиясы]]: 4-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2012. 832 бет, илл. ISBN 978 9967-14-104 -9