Ахим Штайнер
Ахим Штайнер (17-май 1961-жылы) — бразилиялык айлана-чөйрө коргоочусу, учурда Бириккен Улуттар Уюмунун Өнүгүү программасынын администратору жана Бириккен Улуттар Уюмунун Туруктуу өнүктүрүү тобунун төрага орун басары болуп иштейт.
БУУӨПго келгенге чейин БУУнун айлана-чөйрө боюнча программасынын аткаруучу директору (2006–2016) жана Оксфорд Мартин мектебинин директору (2016–2017) болгон. Ал ошондой эле Жаратылышты коргоо боюнча эл аралык союздун (IUCN) башкы директору жана дамбалар боюнча Дүйнөлүк комиссиянын башкы катчысы болуп иштеген.
Бала чагы жана билими түзөтүү
Ахим Штайнер Рио-Гранде-ду-Сулга эмиграцияланган немис фермеринин уулу[1] Ал 1961-жылы Бразилияда туулган, Каразиньодо жана Довер колледжинде окуган[2]. Оксфорд университетинин Вустер колледжинде бакалавр даражасын жана Лондон университетинин Чыгыш жана Африка таануу мектебинде (SOAS) өнүгүү экономикасы, аймактык пландоо, эл аралык өнүгүү жана экологиялык саясат боюнча адистешкен магистр даражасын алган. Штайнер, Германиянын өнүктүрүү институтунда жана Гарвард бизнес мектебинде да окуган[3].
Карьера түзөтүү
Штайнер эмгек жолун 1989-жылы Германиядагы GIZдин Айылдык аймактарды өнүктүрүү департаментинде баштаган. 1991-1997-жылдары Түштүк Африкада жана Вашингтондо Жаратылышты коргоо боюнча Эл аралык союзда (IUCN) иштеген. Ал Меконг дарыясы комиссиясынын башкы техникалык кеңешчиси (1997–1998) болгон. 2001-жылы ал IUCNге башкы директор катары кайтып келген[4].
Булактар түзөтүү
- ↑ Michael McCarthy (8.04.2012), Achim Steiner: 'We haven't even begun to understand the damage we are bringing to bear on the sustainability of our planet' The Independent.
- ↑ Michael McCarthy (8.04.2012), Achim Steiner: 'We haven't even begun to understand the damage we are bringing to bear on the sustainability of our planet' The Independent.
- ↑ Biography of Achim Steiner. UNDP. Текшерилген күнү 4 -ноябрь (жетинин айы) 2014. Түп булактан архивделген күнү 5 -ноябрь (жетинин айы) 2014.
- ↑ Profile of Achim Steiner. weforum. Текшерилген күнү 4 -ноябрь (жетинин айы) 2014.