Бактияр Токторов

Бактияр Токторов (төр. 25-март, 1970, Коммунизм, Лейлек району, Баткен облусу) — Кыргызстандык ырчы жана ырлардын автору. “Биз” тобунун жетекчиси.

Бактияр Токторов
Негизги маалымат
Туулган датасы	25 -март 1970(1970-03-25) (54 жаш)
Туулган жери	Коммунизм, Ош облусу (азыркы Баткен облусу), Кыргыз ССРи, СССР
Өлкө	Кыргызстан
Кесиптери	ырчы, обончу, ырларын автору
Жанрлары	Ретро, Поп, Эстрада
Активдүү жылдары	1990 — азыркы учурда
Жамааты	"Биз" тобу
Super.kg: ID 671

Өмүр баяны

Ырчы мектепте окуп жүргөн кезинде комузду гитарага окшоштуруп чертип, Алла Пугачёва, Валерий Леонтьев, Михаил Боярский жана башкалардын чыгармаларын туурап ырдап жүрүп эле үнүнүн диапазонун кеңейтип алган. Суворов атындагы аскердик окуу жайды бүткөндөн кийин политехникалык институтка тапшырган. Ал жактан ыр дүйнөсүнө жакын балдар менен гитара чертип, ырдап жүргөн. 1990-жылы “Кыргызстан” деген топ түзүп, “Периштем”, “Айпери”, “Таң чолпон жылдызым” аттуу ырларды жараткан. Кийин "биздин ырлар" деп жүрүп, ал топтун атын "Биз" деп өзгөртүшкөн.