Бежев мрамор кени
Бежев мрамор кени Талас облусунун Кара-Буура районунда, Бакыян кыштагынан 6 км аралыкта, Кыргыз Ала-Тоосунун батыш четинде. 1938-ж. табылган. Аймагын палеозой заманындагы чөкмө жана аларды жиреп чыккан интрузия тектери түзөт. Чөкмө тектер арасындагы бири-биринен 1 км аралыктагы орточо кристаллданган, көгүш жана саргыч түстөгү мрамор катмарларынан турган эки участкага бөлүнөт. Калыңдыгы ар түрдүү. Көгүшүнүн катуулугу 90–100 МПа. 1 м3 көлөмдөгү мрамордон 18%ке чейин такта алууга болот. Запасы 1 млн м3. Саргычынын катуулугу 70–80 МПа. Блокко жакшы ажырайт. 1 м3 көлөмдөгү мрамордон 15%ке чейин такта алынат. Запасы 0,8 млн м3. Мрамор менен дубалдарды каптоого болот.
Колдонулган адабияттар
түзөтүү- Кыргызстандын кен байлыгы: Энциклопедиялык окуу куралы/Мамлекеттик тил жана энциклопедия борбору. Бишкек – 2004, ISBN 9967-14-009-7
 |
Бул макалада башка тил бөлүмүнө шилтеме жок. Сиз аларды издеп бул макалага кошуп, долбоорго жардам берсеңиз болот.
|