Бура (эл)
Бура (кводжеффа, хуве, хувийа; өз аты — bura «адамдар») — эл.
Нигериянын түндүк-чыгышында (Мандара тоолорунда, Борно жана Адамава штаттарында) жана Камерундун түндүгүндө жашайт.
Алар түздүктүктөргө жана тоолуктарга болуп бөлүнүшөт.
Жалпы саны 308 миң адам (2005).
Тил
Бура-пабир тилинде сүйлөшөт. Бура-пабир тили Афразия макроүй-бүлөсүнүн чад уясына кирет.
Хауса жана канури тилдери кеңири таралган.
Дин
Мусулмандар (сүннөттөр) 35%, христиандар 35%. Калгандары жергиликтүү салттуу ишенимдерди (ата-бабалар, Ай, крокодил культтары) карманышат.
Чарбалык иштер
Террасалык жер чарба (таруу, жер жаңгак) жана малчылык (ири жана майда мүйүздүү мал).
Кол өнөрчүлүк
Кол өнөрчүлүктөрдөн темир устачылык жана карапачылык өнүккөн.
Тамак-аш
Негизги тамак-аш — өсүмдүк тамагы жана сүт азыктары.
Турак жай
Конуштар чачырандуу. Алачыктар тегерек, чатыры конус түрүндөгү, дубалдары чөптөн же самандан токулуп, чопо менен шыбалган.
Кийим
Кийим — белге байланган кездеме (юбка сыяктуу), хауса кийимдери да кеңири таралган.
Коом
Нике патрилокалдык. Патрилинейлик уруктар, көп балалуу үй-бүлөлөр, жаштар бирикмелери (эркек жана аялдар союздары) сакталган.
Маданият
Салттуу музыкалык аспаптардын ичинен ксилофон эң популярдуу.
Бетти скарификациялоо практикаланат.
Тарых
Колонияга чейинки мезгилде бура эли алгачкы саясий түзүлүштү — Биу эмиратын түзүшкөн.