Волластонит

Волластонит (англисче химик У. X. Волластондун ысымынан) – силикаттар тобундагы минерал. Химиялык формуласы Са₃(Si₃O₉). Триклин сингониясында кристаллданат. Өңү ак, кээде кызгылт, айнек сымал жаркырак. Катуулугу Моос шкаласы боюнча 5-5,5. С. салмагы 2,9. Контакт-метаморфизмден пайда болот. Негизинен карапа өнөр-жайында фарфор даярдоодо, үн жана жылуулук өткөрбөөчү материал катары пайдаланылат.

Колдонулган адабияттар

• “Кыргызстан” улуттук энциклопедиясы: 2-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2007. 808 бет, илл. ISBN 978 9967-14-055 -4