Жапон тили

Жапон тили (жап. 日本語 ) — Жапониянын расмий тили. Улуттук адабий тил катары 19-20-кылымдары түзүлдү. Алгачкы жазма даректери 6-кылымга таандык.

Жапон тили - ачык жана кыска муундуу тил; сөздөрүндө үндүүлөр катарлаша түшпөйт. Грамматикалык формаларды жасоодо флексияга караганда агглютинация суффикстери активдүү колдонулат. Сөздөрдүн орун тартиби туруктуу. Жапон тили түзүлүшү боюнча корей, монгол жана тунгус-манжур тилдерине жакын.