Запольский Виктор Михайлович

Запольский Виктор Михайлович Түркмөн Республикасынын Ашхабад шаарында 1946-жылы 6-ноябрда туулган. 1966-жылы В.И.Ленин атындагы Москва мамлекеттик педагогикалык институтун аяктап, мектепте мугалим болуп иштеген. 1972-жылы журналисттик кесипке өтүп, «Комсомолец Киргизии» гезитинин башкы редактору, «Вечерний Фрунзе» гезитинин башкы редактору, 1991-жылдан «Дело №...» гезитинин башкы редактору болуп иштеп келе жатат. Кыргыз Республикасынын Жогорку Кеңешинин легендарлуу парламентинин депутаты болгон. 1975-жылы жана 1978-жылы Кыргыз ССРинин Жогорку Советинин Грамотасы менен сыйланган. Анын «День запоздалых визитов», «Подарок» повесттери жана «Портрет», «Качели» аңгемелери «Литературный Киргизстан» журналына жарыяланган. 1988-жылдан СССР Жазуучулар союзунун мүчөсү.

Запольский Виктор Михайлович
Жалпы маалымат
Төрөлгөндө берилген аты:	Запольский Виктор Михайлович
Туулган жылы:	1946-жылы 6-ноябрь
Туулган жери:	Ашхабад шаары, Түркмөн Республикасы
Өлкө:	Түркмөн Республикасы
Ишмердүүлүгү:	Жазуучу

Орус тилинде

• Чив, Чебаков и другие: Повести и рассказы – Ф.: Мектеп, 1978. – 156 с.
• Вика, Викторая – мапина дочка (именно маПина!): Повесть. – Ф.: Мектеп, 1984. – 170 с.
• Новоселье в старом доме: Повести. – Ф.: Кыргызстан, 1988. – 140 с.

Колдонулган адабияттар

• Кыргыз Республикасынын жазуучулары/Кыргыз Республикасынын Мамлекеттик интеллектуалдык менчик кызматы (Кыргызпатент)/Түзүүчүлөр: М. Ааматов, А.Чекиров, Ө.Калыева. – Б.: 2011. Т.2 – 456 б. ISBN 978-9967-26-379-6