Ирланд деңизи
Ирланд деңизи – Атлантика океанында; Улуу Британия менен Ирландия аралынын аралыгында. Аянты 47 миң км2 . Эң терең жери 197 м. Океан менен Түндүк деңиз жана Ыйык Георг кысыктары аркылуу туташат. Ири аралдары: Мэн, Англси. Суунун температурасы кышында 5°С, жайында 16°Сге чейин. Туздуулугу 34-34,5%о. Шторм тез-тез болуп турат. Суткасына 2 жолу (8,4 мге чейин) ташкындайт. Балык (сельд, килька, треска, анчоус) кармалат. Башкы порттору: Ливерпул (Улуу Британия), Дублин (Ирландия).
Колдонулган адабияттар
түзөтүү- “Кыргызстан” улуттук энциклопедиясы: 3-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2011. 784 бет, илл. ISBN 978 9967-14-074-5