Кайыңды суусу, Ак-Суу району

Кайыңды суусу – Борбордук Теңир-Тоодогу суу, Сары-Жаздын сол куймасы. Ак-Суу районунун аймагында. Кан-Теңир тоо тоомунун түштүк-батыш тарабындагы Кайыңды мөңгүсүнөн башгалып, Кайыңды өрөөнү аркылуу батышка агат. Узундугу 50 км, алабынын аянты 599 км², анын 158 км²ин мөңгү жана түбөлүк эрибеген кар ээлеп жатат. Алабынын орточо бийиктиги 3800 м. Мөңгү, кар жана булак сууларынан куралат. Июль-август айларында агымдын жылдык көлөмүнүн 60-70%и агып өтөт, ноябрь-апрелде тартылат. Жылдык орточо чыгымы 10 м³/сек, эң көбү 100 м³/сек, эң азы 1,5 м³/сек. Негизги куймасы Ат-Жайлоо суусу.

Кайыңды суусу
Мүнөздөмө
Узундугу	50 км
бассейндин аянты	599 км²
Жайгашкан орду
Өлкө	Кыргызстан
Област	Ысык-Көл облусу
Район	Ак-Суу району

Колдонулган адабияттар

• “Кыргызстан” улуттук энциклопедиясы: 3-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2011. 784 бет, илл. ISBN 978 9967-14-074-5