Кинетика энергиясы

Кинетика энергиясы — кыймылдоочу нерсенин энергиясы; механикалык кыймылдын сандык чени. Ар кандай кыймылдоочу нерсе киетика энергиясына ээ. Массасы m болгон чекит $\upsilon$ ылдамдык менен алга жылуу кыймылында болсо, анын кинетика энергиясы Е_к чекит массасын ылдамдык квадратына көбөйтүлгөн көбөйтүндүнүн жарымына барабар: Е_к=m$\upsilon$²/2. Алга жылуу кыймылындагы нерсенин энергиясы: Е_к=$\upsilon$²/2, М – нерсенин массасы, $\upsilon$ — анын ылдамдыгы. Кыймылсыз октун айланасында айлануучу катуу нерсенин кинетика энергиясы Е_к=I$\omega$² /2, — нерсенин айлануу огуна карата инерция моменти, $\omega$ — нерсенин бурчтук ылдамдыгы. Кинетика энергиясы нерсенин кыймылын токтотуучу күч аткарган жумуштун чоңдугу менен аныкталат, джоуль (Дж) менен ченелет.

Колдонулган адабияттар

• “Кыргызстан” улуттук энциклопедиясы: 4-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2012. 832 бет, илл. ISBN 978 9967-14-104 -9