Кристин Кашор
Кристин Кашор (англ. Kristin Cashore; 1976-жылы туулган) — америкалык фэнтези жазуучу. Ал Пенсилваниянын айыл жеринде өскөн, төрт баланын экинчиси. Анын дебюттук "Шык менен сыйлангандар" (англ. Graceling) романы 2008-жылдын октябрында жарык көргөн. Китеп "Андре Нортон" жана "Уилям С. Моррис" сыйлыктарына көрсөтүлгөн жана 1000ден ашуун китепкананын текчелеринен орун алган. Ал эми "От" (англ. Fire) аттуу экинчи китеби 2009-жылдын октябрь айында чыгып, "Шык менен сыйлангандардын" башталышы сыяктуу коштомо китеп деп сүрөттөлөт. Анын "Кочкул көк" (англ. Bitterblue) аттуу үчүнчү китеби 2012-жылы 1-майда жарык көргөн. Бардык үч китеп "Шык менен сыйлангандар" дүйнөсүндөгү циклдин бөлүмдөрү болгон.
