Кудайбергенова Индира Орозобаевна
Кудайбергенова Индира Орозобаевна (1956-жылы 24-мартта туулган, Кыргыз ССРи, Нарын облусу, Кочкор району, Кочкорка айылы) – профессор, медицина илимдеринин доктору, онкология, маммология жана пластикалык хирургия тармагынын адиси. 2016-жылдын июлунан тарта Кыргыз мамлекеттик медицина академиясынын ректору, университеттин тарыхындагы биринчи аял ректор.
| Кудайбергенова Индира Орозбаевна | |
| Туулган күнү | |
|---|---|
| Туулган жери |
Кыргыз ССРи, Нарын облусу, Кочкор району, Кочкорка айылы |
| Жарандыгы | |
Өмүр баяны
түзөтүүИндира Орозбаевна Кудайбергенова (1956-жылы 24-мартта туулган, Кыргыз ССРи, Нарын облусу, Кочкор району, Кочкорка айылы) – профессор, медицина илимдеринин доктору, онкология, маммология жана пластикалык хирургия тармагынын адиси. 2016-жылдын июлунан тарта Кыргыз мамлекеттик медицина академиясынын ректору, университеттин тарыхындагы биринчи аял ректор.
Билими
түзөтүү1979-жылы Фрунзе шаарындагы Кыргыз мамлекеттик медициналык институтунун “Дарылоо иши” факультетин бүтүргөн. Бир жылдан кийин Республикалык клиникалык ооруканада “Жалпы хирургия” адистиги боюнча клиникалык интернатураны аяктаган. 1983-1985-жылдары СССР медицина илимдер академиясынын (Москва шаары)А.В. Вишневский атындагы Хирургия институтунда “Хирургия” адистиги боюнча клиникалык ординатурадан өткөн.
Эмгек жолу
түзөтүүИндира Кудайбергенова Бишкектеги Кыргыз мамлекеттик медициналык институтунда жалпы хирургия кафедрасынын ассистенти болуп иштей баштаган. 1991-1994-жылдары Семашко атындагы Москва медициналык институтунун онкология кафедрасынын докторанты болгон, Москва шаары. Ал эми 1994-1997-жылдары Кыргыз мамлекеттик медициналык академиясында онкология кафедрасынын профессору болгон. 1997-жылдан 2000-жылга чейин онкология жана радиология Кыргыз илимий-изилдөө институтутун директору.
Кудайбергенова Индира 1998-жылдан бүгүнкү күнгө чейин - Кыргыз Республикасындагы онкологдор жана радиологдор Ассоциациясынын төрайымы.
И.К. Ахунбаев атындагы Кыргыз Мамлекеттик медицина академиясындагы иши
түзөтүү1997-жылдан 2016-жылга чейин Индира Кудайбергенова И.К. Ахунбаев атындагы Кыргыз мамлекеттик медицина академиясынын онкология кафедрасынын башчысы болгон. 2000-жылдан 2004-жылга чейин Индира Кудайбергенова Кыргыз мамлекеттик медициналык академиясында окуу-тарбия иштери боюнча проректору болгон. Ал эми 2004-2008-жылдары КММАнын онкология кафедрасын жетектеген. 2008-жылдын сентябрынан 2009-жылдын мартына чейин И.К. Ахунбаев атындагы Кыргыз мамлекеттик медициналык академиясынын ректорунун милдетин аткаруучу болуп иштеген. 2016-жылдан бүгүнкү күнгө чейин – И.К. Ахунбаев атындагы Кыргыз мамлекеттик медициналык академиясынын ректору.
Акыркы шайлоодо Индира Кудайбергеновага 698 адам добуш берген, каршы 33адам болгон. Жалпысынан 792 адамдын 731и добуш берүүгө катышкан.
Басылмалары
түзөтүүИндира Кудайбергенова 90дон ашуун илимий иштердин автору, 2 монографиясы, 3 рационализатордук сунуштамасы жана жалпыга маалымдоо каражаттарында көптөгөн макалалары жарык көргөн. Медицина илиминин 1 докторун жана 7 кандидатын даярдаган. Анын жетекчилиги астында 10 адам кандидаттыгын жактай алган.
Торакалдык хирургияда компьютердик томографиянын мааниси (авторлош). Фрунзе. 1987
Көкүрөк капталынын шишиктери, клиникасы жана хирургиясы, алардагы тактика (авторлош). Фрунзе. 1987
Полигидроксиэтилметакрилаттагы эндопротездерин пластикалык хирургияда колдонуу мүмкүнчүлүгү жана тажрыйбасы (авторлош). Бишкек, 1993-жыл.
Эндопротездерди колдонуу менен көкүрөккө пластикалык операциялардын атласы (авторлош). Бишкек, 1994-жыл
Адабият
түзөтүү- Нарын облусу: Энциклопедия / Башкы редактору А.Карыпкулов; Ред. Кеңештин төрагасы академик Үсөн Асанов. – Бишкек: Кыргыз Энциклопедиясынын Башкы редакциясы, 1998. – 420 бет, илл. - ISBN 5-89750-100-9.
Шилтемелер
түзөтүүhttps://www.kgma.kg/ru/academy/general-information/greeting