Либревил

Либревил (французча: Libreville) — Африкадагы бир шаар, жана Габондун борбор шаары. Атлантика океанындагы порт шаар. Эстуарий провинциясынын административдик борбору. Өлкөнүн батыш бөлүгүндө, Гвинея булуңунун жээгиндеги түздүктө жайгашкан.

Либревил
шаар
Либревил
Өлкө	Габон
Population (2005)
• Total	578 156
Time zone	GMT

Калкы 753,6 миң (2010; өлкөнүн калкынын 40%и). Габондогу калк эң жыш жайгашкан шаар. Эл аралык аэропорту бар. Университет, Ыйык Мишель, Ыйык Мария чиркөөлөрү, музейлер жана башка бар. Шаарга жакын белгилүү улуттук парк Лопе жайгашкан.

Тарыкы

Либревиль 1849-ж. негизделген. 1886-жылдан Габондун курамындагы Франция ээлигине, 1910–58-ж. Франция Экватордук Африкасына караган. Габон көз карансыздык алган 1960-жылдан өлкөнүн борбор шаары.

Экономиясы

Тамак-аш (кофе, какао иштетилип, пиво кайнатылат), текстиль, жыгаччылык өнөр жай ишканалары жана кеме верфи иштейт.

Колдонулган адабияттар

• “Кыргызстан”. Улуттук энциклопедия: 5-том. Башкы ред. Асанов Ү. А., Б.: «Кыргыз энциклопедиясы» башкы редакциясы, 2014. ISBN 978—9967—14-111-7