Мадхья-Прадеш
Мадхья-Прадеш - Индиянын борб. бөлүгүндөгү штат.
Аянты 308 000 миң км, калкы 72 597 565 млн (2011). Админ, борбору — Бхопал ш. Башк ири борборлору — Гвалиор, Индаур, Джабалпур. Негизги тили — хинди
Декан бөксө тоосунун түн. бөлүгүн ээлейт. Климаты тропиктик, муссондук. Жылдык жаан-чачын 700—1000 мм. Жеринин 1/3 бөлүгүн жалбырагын күбүүчү токой каптап жатат, баалуу тик, сал ж. б. жыгачтар кездешет. Мадхья-Прадеш - өнөр жайы тез өнүгүп бараткан агрардык штат. Негизги а. ч. өсүмдүктөрү — шалы, жовар (таруу), буудай, тех. өсүмдүктөрдөн — пахта жанa май алынуучу өсүмдүктөр. Жибекчилпк өнүккөн. Марганец жанa темир рудаларын, боксит, көмүр, отко чыдамдуу чопо казып алуу боюнча Индияда алдыңкы орундардын бирин ээлейт. Өлкөдө жалгыз ушул штатта алмаз казып алынат.
Колдонулган адабияттар
түзөтүүКыргыз Совет Энциклопедиясы. Башкы редактор Б. О. Орузбаева. -Бишкек: Кыргыз Совет Энциклопедиясынын башкы редакциясы, 1979. Том 4. Лактация - Пиррол. -656 б.