Одра
Одра, Одер (чехче жана полякча Odra, нем. Oder) – Чехия (баш жагы), Германия, Польшадагы дарыя (көп бөлүгү алардын чек арасы аркылуу агат). Узундугу 860 км, алабынын аянты 119 миң км2дей. Судет тоолорунан башталып, басымдуу бөлүгү Ортонку Европа түздүгү менен агып, Балтика деңизиндеги Щецин булуңуна куярда эки салаага бөлүнөт. Негизги куймалары: Бубр, Ныса-Лужицка (сол), Варта (оң). Орточо чыгымы 540 м3/сек, кышында жана жазында суусу мол болот. Жогорку агымына чейин кеме жүрөт; Эльба жана Висла дарыясы менен канал аркылуу туташат. Боюнда Острава (Чехия), Ополе, Вроцлав, Щецин (Польша), Франкфурт-на-Одере (Германия) шаары жайгашкан.
Одра
| |
|---|---|
| |
| Мүнөздөмө | |
| Узундугу | 860 км |
| бассейндин аянты | 119 миң км² |
| Суу чыгымы | 540 м³/с |
Колдонулган адабияттар
түзөтүү- “Кыргызстан” улуттук энциклопедиясы: 5-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. илл. ISBN 978 9967-14-111-7