Сатыбалды Бакенов

Бакенов Сатыбалды (21.6. 1941-ж. т., Жумгал району, Доскулу айылы) — Кыргыз Республикасынын маданиятка эмгек сиңирген ишмери (1995), жазуучу, журналист.
1959-ж. Бишкектеги №3 техникалык окуу жайын, 1966-ж. КМУнун журналистика факультетин бүткөн.
1957-жылдан Кочкордо киномеханиктин жардамчысы, киномеханик, 1966- жылдам "Жеткинчек" гезитинде адабий кызматкер, бөлүм башчы, жооптуу катчы, башкы редактору болуп иштейт. "Пионердик иштердин беш жылдыгы", "Балдардын бактысы достук", "Отряд жана анын иши" жана башка китептердин, көптөгөн макала, очерк, репортаж, сурөттөмөлөрдүн автору. Котормолору да бар. Кыргыз Республикасынын эл агартуу отличниги (1979).

Адабият

• Нарын облусу: Энциклопедия / Башкы редактору А.Карыпкулов; Ред. Кеңештин төрагасы академик Үсөн Асанов. – Бишкек: Кыргыз Энциклопедиясынын Башкы редакциясы, 1998. – 420 бет, илл. - ISBN 5-89750-100-9.