Тамга (айыл)

Тамга, Жети-Өгүз району – Ысык-Көл областынын Жети-Өгүз районундагы кыштак. Тамга айыл аймагына караштуу. Ысык-Көл өрөөнүнүн түштүгүндө, Тескей Ала-Тоонун этегиндеги жантайыңкы түздүктө, Тамга суусунун он өйүзүндө, Бишкек – Каракол автомобиль жолунун жээгинде, деңиз деңгээлинен 1687 м бийиктикте жайгашкан. Райондун борбору Кызыл-Суу кыштагынан 39 км батыш тарапта. Балыкчы темир жол станциясынан 148 км. Калкы 3120 (2010); негизинен мал асырап, тоют даярдайт. Орто мектеп, китепкана, маданият үйү, оорукана, дарыкана, клуб бар. Турмуш-тиричилик кызматынын бөлүмдөрү, соода жайлары жана «Тамга» санаторийи иштейт. Улуу Ата Мекендик согушта курман болгондорго эстелик тургузулган. Кыштакта Социалисттик Эмгектин Баатыры И. Илипбаев туулган.

Отурукташкан жай Тамга Өлкө КыргызстанКыргызстан Облус Ысык-Көл облусуЫсык-Көл облусу Район Жети-Өгүз району Координаттар 42°09′02″ с. ш. 77°32′53″ в. д. Тарыхы жана Географиясы Убакыт аралыгы UTC+6 Калкы Калкы 3 120 адам (2010) Сандык идентификаторлор

Колдонулган адабияттар

• “Кыргызстан” улуттук энциклопедиясы: 6-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. 816 бет, илл. ISBN 978 9967-14-117-9