Шамал өрөөнүндөгү Наушика
Шамал өрөөнүндөгү Наушика (жап. 風の谷のナウシカ: Kaze no Tani no Naushika, англ. Nausicaä of the Valley of the Wind, орус. Навсикая из Долины ветров) - 1984-жылы тартылган илимий-фантастикалык жоруктуу тасма. Тасманын негизин Хаяо Миязаки 1982-жылы жазылган мангадан алган. Исао Такахата "Tokuma Shoten" жана "Hakuhodo" басмалары үчүн "Topcraft" анимация студиясы менен өндүргөн. Тасманын музыкасын Жое Хисаиши жазган. Тасмага Суми Шимамото, Горо Ная, Йожи Матсуда, Йошико Сакакибара жана Иемаса Каюми аттуу оюнчулардын үндөрү жазылган.
| Шамал өрөөнүндөгү Наушика | |
|---|---|
| Режиссеру | Хаяо Миядзаки |
| Продюсер | Исао Такахата |
| Жазуучу | Хаяо Миядзаки |
| Оператору |
|
| Негизинде |
Шамал өрөөнүндөгү Наушика автору: Хаяо Миядзаки |
| Тартылгандар | |
| Музыкасы | Дзө Хисаиси |
| Редактору |
|
| Студия | Topcraft |
| Жайылтуучу | Toei Company |
| Чыккан жылы |
|
| Узактыгы | 117 мүн. |
| Өлкөсү |
 Жапония |
| Тили | Жапон |
| Бюджети | ¥1.08 миллиард |
| Киреше |
¥1.48 миллиард (киреше) ¥742 млн (ренталык киреше) |
Окуя тээ алыскы апокалипсистен кийинки келечектеги Наушика аттуу шамал өрөөнүнүн канышасынын баянын сүрөттөйт. Каныша мутанттык ири өлчөмдөгү курт-кумурскаларды байыркы курал-жарак колдонуп түп тамыры менен жок кылууну көздөгөн Толмекиа аттуу кандык менен күрөшөт жана толмекиялыктарды курт-кумурскалардын кыжырына тийген аракеттерин да токтотот.
Тасма 1984-жылы 11-мартта Жапонияда жарык көргөн. Бул тасма "Гибли" студиясы түзүлгөндөн мурун тартылгандыктан, студиянын саамалыгы катары дайыма студиянын DVD жана Blu-ray топтомдорунда камтылган. Окуясы, тематикасы, каармандары жана анимациясы боюнча сүймөнчүк болгон "Шамал өрөөнүндөгү Наушика" тасмасы бир нече жолу бардык убактын эң алдыңкы анимациялык тасмасы деп бааланган.