Яунде (эл)

Яунде (евонде, евондо, бети) — Камерундагы фанг тобуна кирген эл. Алар Яунде шаарынын аймактарында жана Ньонг дарыясынын орто агымында жашашат.

Яунде
Яунде шаарындагы улуттук искусство жана маданият фестивалдын катышуучусу
Мамлекеттер жана аймактар
Бардыгы: 1,9 млн адам Камерун
Тили	евондо
Дини	Жергиликтүү салттуу ишенимдери, Христианчылык (католиктер, протестанттар)
Расалык тиби	негроид
Кирет	бантулар
Тууган элдер	фанг элдери

Тил

Сүйлөгөн тили же диалекти — евондо. Ал тил же диалект банту уясынын курамына кирет.
Француз тилин билишет.

Дин

Көпчүлүк жергиликтүү салттуу ишенимдер (ата-бабаларга сыйынуу, анимизм) карманышат. Калгандары христиандар (католиктер, протестантар).

Чарбалык иштер

Кол менен иштетилген тропикалык жер чарба (таруу, жүгөрү, ямс, маниок, таро) негизги салттуу кесиби болуп саналат. Андан тышкары плантацияларда (банан жана какао) жана өнөр-жай ишканаларда иштешет.

Кол өнөрчүлүк

Элдин салттуу кол өнөрү:

• жыгачтан жана пилдин сөөгүнө оюу (тотемдерден үй буюмдарына чейин);
• килем токуу;
• керамикалык буюмдарды жасоо.

Салттуу турак жай

Айылдар кыйла компакттуу, жолдорго жана дарыяларга жакын жайгашкан.
Турак жай тик бурчтуу формада, чатырлары бийик, ашкан, пальма бутактарынан же камыштан жасалган.

Тышкы шилтемелер

• https://joshuaproject.net/people_groups/11170/CM

• https://www.ethnologue.com/language/ewo