Замира Акбагышева
Акбагышева Замира — 1958-жылдын 10-сентябрында Чүй облусунун Сын-Таш айылында төрөлгөн. 1981-жылы Кыргыз мамлекеттик университетин артыкчылык менен аяктап, студенттик жылдары лениндик стипендияга ээ болуп, факультеттин комсомолдук уюмун жетектеген. 1989-жылга чейин Кыргызстан комсомолунун Борбордук комитетинин басма сөз, пропаганда жана үгүт боюнча сектор башчысы болуп эмгектенип, жаш кыз-келиндер менен иш жүргүзгөн. Кийинки эки жыл Кыргызстандын компартиясынын Борбордук комитетинин алдындагы партиянын тарыхы институтунун илимий кызматкери болуп эмгектенген. 1992-1996-жылдары Мамлекеттик мүлк фондунун маалымат катчысы, “Казына” гезитинин башкы редактору болгон. Чоң чыгармачылык жана уюштуруучулук тажрыйбага ээ Замира Акбагышева 1993-жылы Кыргызстандын аялдар конгрессинин президенти болуп шайланган. Замира Акбагышева ийгиликке жетишкенге негиз болгон чынчылдыкка, принципиалдуулукка жана абийирдүүлүккө ата-энеси - Акбагыш менен Нурбүбү Акматылдаевдер үйрөткөнүн айтып, алардын эмгеги баа жеткис деп баалайт. Ал ишкердиктин негиздерин Германиядан, ал эми партиялык ишмердикти жүргүзүүнү АКШнын Эл аралык институтунда окуп, үйрөнгөн.
Интернеттеги шилтеме
түзөтүү- http://kabar.kg/kyr/analytics/full/8336(жеткиликсиз шилтеме)
 |
Бул макалада башка тил бөлүмүнө шилтеме жок. Сиз аларды издеп бул макалага кошуп, долбоорго жардам берсеңиз болот.
|