Бен-Гур

"Бен-Гур" (англ. Ben-Hur) - 2016-жылы Тимур Бекмамбетов тарткан америкалык тарыхый-эпикалык тасма. Сценарийин Кит Кларк жана Жон Ридли жазган. Тасма 1880-жылы Лү Уаллэс жазган "Бен-Гур: Христос баяны" романы боюнча бешинчи жолу тартылган тасма. 1907-жылы жана 1925-жылы ушул романдын негизинде үнсүз тасма тартылган. 1959-жылы тартылган тасма Оскар сыйлыгын алган. 2003-жылы болсо ушул эле романга анимациялык тасма тартылган. Тасма романдын "жаңыча жорулушу" деген термин менен жарык көргөн. Тасмага тартылгандар: Жэк Хүстон, Морган Фримен, Тоби Кеббел, Назанин Бониади, Халук Билгинер жана Родриго Санторо.

Бен-Гур
Режиссеру	Тимур Нуруахитович Бекмамбетов
Сценарийи	Кейт Кларк Жон Ридли
Оператору	Оливер Вуд
Негизинде	Бен-Гур: Христос баяны автору: Лү Валас
Тартылгандар	Жек Хүстон Тоби Кеббелл Родриго Санторо Назанин Бониади Айелет Зорер Йохан Филип Асбек София Блэк Д’Элиа Морган Фримен
Музыкасы	Марко Белтрами
Редактору	Доди Дорн Ричард Фрэнсис-Брүс
Жайылтуучу	Paramount Pictures Metro-Goldwyn-Mayer
Чыккан жылы	август 9, 2016 (2016-08-09) (Мехико) август 19, 2016 (2016-08-19) (АКШ)
Узактыгы	125 мүн.
Өлкөсү	АКШ
Тили	Англис
Бюджети	$100 млн
Киреше	$94.1 млн

Тасманын негизги бөлүгү 2015-жылдын 2-февралынан июнга чейин Италиянын Матера шаарында тартылган. "Бен-Гур" Мексикада 2016-жылдын 9-августунда бетачарын өткөргөн. Америкада кинотеатрларга "Paramount Pictures" жана "Metro-Goldwyn-Mayer" тарабынан 2D, 3D, RealD 3D, Digital 3D жана IMAX 3D форматында коюлган. Тасма киносынчылардан терс сын-пикир алган жана $100 млн бюджет (сатуу жана таратуу чыгымын кошпогондо) менен $94,1 млн киреше тапкан.