Орустар

	Орустар
	;
Русские
Мамлекеттер жана аймактар
	Бардыгы: 133,5 млн; Орусия: 105 579 170; Украина: 8 334 141; Кырым МР 1 492 078; Севастополь 410 220; Казакстан: 3 000 611; АКШ: 3 163 084; Германия: 2 213 000; Өзбекстан: 720 300; Беларусь: 706 992; Канада: 622 524; Латвия: 454 350; Кыргызстан: 335 237; Эстония: 315 252; Израиль: 200-300 000; Аргентина: 250 000
Тили	Орус тили
Дини	Православие
Расалык тиби	Европеоид расасы
Кирет	Слав элдери
Тууган элдер	украиндер, беларустар, русиндер
Этникалык топтор	казак-орустар;
Келип чыгышы	байыркы славдар
Мамлекеттүүлүгү	Улуу Москва Падышалыгы (1263-1478); Орусия Падышалыгы (1547-1721); Орусия Империясы (1721-1917); Орусия Республикасы (1917-1918); РСФСР (1917-1922); РСФСР (1922-1991); Орусия (1991-учурда)

Орустар (орус. русские, russkié) — чыгыш славян эли; РФтин жергиликтүү калкы. Латвия, Литва, Эстония, Украина, Беларуссия, Молдавия, Азербайжан, Грузия, Армения, Казакстан, Өзбекстан, Кыргызстан, Тажикстан, Түркмөнстан, ошондой эле АКШ, Канада, Бразилия, Германия, Улуу Британия, Кытай, Франция ж. б. мамлекеттерде диаспоралары бар.

Жалпы саны дүйнөдө 133 млн, анын ичинде 111016896 киши Россияда жашайт (2010). Динге ишенгендеринин көбү – православныйлар. Орус тилинде сүйлөшөт. Орустар чыгыш славян урууларында уруулук мамилелер ыдырап, Киев айланасында Байыркы орус мамлекети түзүлгөн мезгилде пайда болгон байыркы орус элинен (9-к.) келип чыккан. Этностук негизин чыгыш славян элдери (кривичтер, словендер, вятичтер, северяндар), ошондой эле финн-угор уруулары түзгөн. Орустар мал чарбачылык, дыйканчылык жана кол өнөрчүлүк менен кесиптенишет. Салттык кийимдери түн. жана Түштүк аймактарында бири-биринен айырмаланат. Эркектери тик жакалуу ак көйнөк, кендир ыштан, сыртынан таардан тигилген жакасыз узун кемсел, бутуна жөкө чокой же өтүк кийип, белине кур курчанат. Аялдары – түн. аймактары сарафан, түштүгү юбка, көйнөк, кофта кийип, алжапкыч тагынган. Тамак-ашы негизинен ботко, щи, пельмен, суусундук катары квасты көбүрөөк колдонушат.

Манас эпосунда

Орус — «Манас» эпосундагы этноним. Эпосто Көкөтөйдүн ашында чакырылган эл катары эскерилет: «Орус да бар, немис бар, Ойроттун баары тегиз бар» (Сагымбай Орозбаков, 3. 147). Сагымбай Орозбаковдун вариантында гана кездешүүчү «Түндүккө чабуул» аттуу окуяда Манас орус элинин эпосторунун башкы каарманы Айламор (Илья Муромец) менен согушуп, аны жеңгени айтылат, к Айламор. В. В. Радлов жазып алган вариантта да Манастын О. эли жана анын падышасы «Ак падыша» (Николай) менен сый мамилеси көрсөтүлөт.

Колдонулган адабияттар

“Кыргызстан” улуттук энциклопедиясы: 5-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. илл. ISBN 978 9967-14-111-7
"Манас" энциклопедиясы/Мамлекеттик тил жана энциклопедия борбору. Бишкек: Кыргыз энциклопедиясынын Башкы редакциясы, - 1995. 1-т. - 440 б. ISBN 5-89750-013-4

Русские
Орустар

Мамлекеттер жана аймактар
Бардыгы: 133,5 млн Орусия: 105 579 170 Украина: 8 334 141 Кырым МР 1 492 078 Севастополь 410 220 Казакстан: 3 000 611 АКШ: 3 163 084 Германия: 2 213 000 Өзбекстан: 720 300 Беларусь: 706 992 Канада: 622 524 Латвия: 454 350 Кыргызстан: 335 237 Эстония: 315 252 Израиль: 200-300 000 Аргентина: 250 000
Тили	Орус тили
Дини	Православие
Расалык тиби	Европеоид расасы
Кирет	Слав элдери
Тууган элдер	украиндер, беларустар, русиндер
Этникалык топтор	казак-орустар
Келип чыгышы	байыркы славдар
Мамлекеттүүлүгү	Улуу Москва Падышалыгы (1263-1478) Орусия Падышалыгы (1547-1721) Орусия Империясы (1721-1917) Орусия Республикасы (1917-1918) РСФСР (1917-1922) РСФСР (1922-1991) Орусия (1991-учурда)