Фор (фур fòòrà, араб فور‎; фур) — эл. Судандын түштүк-батышында, тоолу Дарфур регионунда (Джабаль Марра деген жерде) жашайт. Аз сандуу топтор Чад Республикасында да бар. Саны 745 миң (2004).

ТилОңдоо

Тили — фур же конджара. Конджара фур тил уясына кирет. Фур тил уясы гипотезалык Нил-сахара макро-үйбүлөнүн курамына кирет. Фордун көпчүлүгү араб тилин билет.

ДинОңдоо

Диний жактан Исламдын сүннөт багытын тутушат. Анимизмдин таасири калган.

ТарыхОңдоо

Фор — байыркы эл. Дарфур мамлекетинде (XVI к. — 1916ж.) этникалык негизин түзгөн. Азыркы убакытта көчмөн джанджавиддер фор элине каршы генноцид жана жерлерден кууп чыгуу саясатын жүргүзүүдө. Джанджавиддер Судандын түндүгүнөн келишкен. Судандын түндүгүндө жашоого жарактуу жерлерди чөл басып кетти.

Чарбалык иштерОңдоо

Сугат дыйканчылык (күрүч, жашылчалар, пахта) жана малчылык (уй, кой, төө). Мурун металлургия өнүккөн болчу.

БулактарОңдоо