Антихолинэстеразалар
Антихолинэстеразалар(грек. ἀντί — «каршы», χολή — «өт» жана эстераза — гидролаз классынын ферменти) — ацетилхолинди ажыратуучу фермент — холинэстеразанын активдүүлүгүн тормоздоочу дарылар тобу.
Ацетилхолин четки нерв системасында пайда болгон козголууну нервден — булчуңга, борбордук нерв системасында нейрондон нейронго өткөрөт. Антихолинэстеразалар таасир эткенде нерв системасы жана башка ткандардагы ацетилхолиндин өлчөмү көбөйүп, нерв козголуусу пайда болот.
Антихолинэстеразалар көздүн, бронхтордун, ичеги-карын, өт жолдорунун жылма булчуңдарынын жыйырылуусун күчөтөт. Тамак сиңирүү, тер бездеринин секрециясын көбөйтөт, вегетатив нерв системасын стимулдайт. Көздүн карегин кичирейтет, көз ичиндеги басымды төмөндөтөт. Ошондуктан кээ бир антихолинэстеразалар глаукоманы, миастенияны дарылоодо колдонулат.
.
Колдонулган адабияттар
түзөтүүКыргыз Совет Энциклопедиясынын Башкы редакциясы. «Ден соолук» Медициналык энциклопедия. - Ф.:1991, ISBN 5-89750-008-8
 |
Бул макалада башка тил бөлүмүнө шилтеме жок. Сиз аларды издеп бул макалага кошуп, долбоорго жардам берсеңиз болот.
|