Он-Арча
Он-Арча - Нарын районундагы суу, Нарын дарыясынын оң куймасы. Узундугу 75 чакырым, аянты 1570 чарчы метр. Башкы агымы Солтон-Сары жана Көк-Торпок деп аталат. Солтон-Сары, Кара-Жорго жана Капка-Таш кырка тоолорунан, Көк-Торпок, Нура тоосунун түндүк капталындагы мөңгүлөрдөн башталат.
Он-Арча
| |
|---|---|
| Мүнөздөмө | |
| Узундугу | 75 км |
| Суу агымы | |
| Аягы | Нарын дарыясы |
| Жайгашкан орду | |
| Өлкө |  Кыргызстан
|
| Област | Нарын облусу |
| Район | Нарын району |
Булак (46,2%), мөңгү (27,4%), кар (24%) сууларынан куралат. Жылдык орточо чыгымы 9,92 м/сек.
Эң көп чыгымы теке-кулжа айларында, азы бештин-бирдин айындарында байкалат. Чын куран айыныда кирип аяк оона айынында тартыла баштайт. Алабында аянты 10,6 чарчы чакырым келген мөңгү бар. Ири куймалары Оттук (км), Эчки-Башы 21 чакырым. Сугатка пайдаланылат. Он-Арча ГЭСи Миң-Булак айылында жайгашкан.
Он-Арча суусунун боюнан байыркы таш доорунда Ички Теңир-Тоодо жашаган кишилердин эмгек куралдары табылган.
Бул чакан дарыянын аталышына негизденип, Кыргызстандын Нарын облусунун Нарын районуна (мурдагы Тянь-Шань районуна) караштуу Он-Арча айыл аймагынын аталышы жаралган.
Он-Арча айыл аймагына Эчки-Башы жана Оттук кыштактары кирет. Совет доорунда бул эки кыштактын калкынын жамааттык чарбасы "Коммунизм" колхозу деп аталчу.