Акируно

Акируно
Желек	Герб
Префектура	Токио
Координаттар	35°43′44″ с. ш. 139°17′39″ в. д.HGЯO
Мэр	Тосикадзу Саваи
	Тарыхы жана Географиясы
Негизделген күнү	1995-жыл 1-сентябрь
Аянты	73,47 км²
Климатынын түрү	нымдуу субтропикалык
Убакыт аралыгы	UTC+09:00
	Калкы
Расмий тили	жапон тили
Калкы	80 177 адам
Жыштыгы	1091 адам/км²
Агломерация	Токио
Улуттук курамы	жапондор
Этнохороним	aкирунолук, акирунолуктар
	Сандык идентификаторлор
Почта индекси	197-0814
Расмий сайты	шилтеме
	Акируно (Жер)

Акируно (あきる野市, Акируно-си) — Жапониянын Токио префектурасында жайгашкан шаар.

Шаардын аянты — 73,47 км²^[1], калкынын саны — 80 177 (1-апрель, 2021)^[2]^[1].

Тарых

Азыркы Акирунонун аймагы байыркы Мусаси провинциясынын бир бөлүгү болгон^[3]. 1878-жылдын 22-июлунда аймактык реформадан кийин Канагава префектурасындагы Нишитама районунун бир бөлүгү болуп калган. Нишитама району 1893-жылдын 1-апрелинде Токионун административдик көзөмөлүнө өткөн^[3]. Акигава жана Ицукаити шаарлары бириктирилип Акируно шаары түзүлгөн, ал эми 1995-жылы 1-сентябрында Акируно расмий шаар макамын алган^[4].

География

Хирай дарыясы

Мицугай үңкүрү

Акируно шаары Токионун борборунан болжол менен 40-50 км алыстыкта, Окутама тоолорунун этегинде жайгашкан. Шаардын аймагы аркылуу Ока жана Хирай дарыялары агып өтөт. Шаар чыгыштан батышка карай болжол менен 18 км, түндүктөн түштүккө карай 12,7 км аймакты ээлейт. Фусса, Хамура, Оме, Хатиодзи шаарлары, Хиноде, Окутама жана Хинохара айылдары менен чектешет^[5].

Шаар ден соолукка өзгөчө пайдалуу булактары бар Сеото-но-йо курорту менен белгилүү^[5].

Ошондой эле Акирунодо ачык асман алдында тамак жасоочу жайлар, велосипед тебүү жана жөө сейилдөө үчүн жолчолор уюштурулгандыгына байланыштуу Жапониянын борбору болгон Токио шаарынан көп сандагы эс алычуулар келип турушат^[5].

Климат

Акирунодо нымдуу субтропикалык климат басымдуурак кылып, жайы жылуу жана кышы салкын, карсыз келет. Акирунодогу абанын жылдык орточо температура 13,2 °C^[6]. Орточо жылдык жаан-чачындын өлчөмү 1998 мм. Жылдын сентябрь айы эң жаан-чачындуу ай болуп саналат. Эң жогорку (24,6°C) абанын температурасы август айында, ал эми эң төмөнкү (1,9°C) абанын температурасы январь айында катталган^[6]. Кыш айларында шаардын тоого жакын аймактарында кар дээрлик күн сайын жаайт.

Калк

Жапониянын эл каттоо боюнча сатистикалык маалыматтарына ылайык Акирунонун калкынын саны узак убакыттан бери өсүп келе жатат^[2].

Калкынын саны
Жыл	Саны	±%
1920	19 363	—
1930	21 127	+9,1%
1940	21 827	+3,3%
1950	28 162	+29,0%
1960	29 296	+4,0%
1970	45 187	+54,2%
1980	62 810	+39,0%
1990	71 940	+14,5%
2000	78 351	+8,9%
2010	80 868	+3,2%
2020	79 262	-2,0%
Булактар:^[2]