Алаш-Тоо
Алаш-Тоо — Бабаш-Ата кырка тоосунун түштүк-батыш тармагы. Майлы-Суу жана Шайдан-Сай сууларынын аралыгында кеңдик багытта 20 кмге созулуп жатат. Туурасы 8 км.
Орточо бийиктиги 2700— 3000 м, эң бийик жери 3574 м.
Кыры аска-зоокалуу, капталдары кыска жана тик (40—50°), кокту-колоттуу.
Силур, девон жана карбон мезгилдериндеги чөкмү тек-тердин (спилит, аки таш теги, конгломерат, кумдук, андезит, порфирит жана метаморфизм делген аки таш теги, мрамор) бүктөлүүлөргө дуушарланышынан пайда болгон.
Мисте-бадалдуу талаа жана шалбаалуу талаа (1800—1900 м бийиктикке чейин), шалбаалуу жаңгак токой (2400— 2900 мге чейин), чубалып, альп шалбаасы жана шалбаалуу талаасы (3000—3100 метрге чейин) андан жогору аз аянтты кар мөңгүлүү ландшафт ээлейт.
Колдонулган адабият түзөтүү
- Кыргызстандын географиясы Archived 2014-07-14 at the Wayback Machine. — Бишкек: Мамлекеттик тил жана энциклопедия борбору, 2004. — 728 б. —ISBN 9967-14-006-2
 |
Бул макалада башка тил бөлүмүнө шилтеме жок. Сиз аларды издеп бул макалага кошуп, долбоорго жардам берсеңиз болот.
|