Акназарова Роза Корчубековна

Акназарова Роза Корчубековна - (6. 12. 1955-ж. туулган, Жалал-Абад облусу, Чаткал району, Янгибазар айылы) - экономист, экономика илимдеринин доктору (2005), профессор (2005), КРнын экономикага эмгек сиңирген ишмери (1998). КМУну (1978), Москвадагы Бүткүл союздук илимий-изилдөө институтунун аспирантурасын (1984) бүтүргөн. ФПИде окутуучу (1978-81), Кыргыз экономика жана айыл чарба илимий-изилдөө интунда сектор башчы (1992), КРнын Улуттук банкында башкармалыктын начальниги, башкы бухгалтер (1992-96), “Дебра” агентчилигинин директору (1996-99), КРнын Социалдык фондунун председатели-министр (1999-2000), КРнын Жогорку Кеңешинин депутаты (2000-01), КРнын Эмгек жана социалдык жактан коргоо министри (2001-05), КМУда окутуучу (1998-2006), «Эл ынтымагы» социал-демократиялык партиянын төрайымы. 30дан ашуун илимий эмгектери, анын ичинде 9 монографиясы жарык көргөн. Негизги эмгектери рынок шартындагы айыл чарбасынын социалдык-экономикалык проблемаларына арналган. Эмгектери: Рынок жана экономикалык саясат. Б., 1998; Социально-экономические проблемы аграрной реформы. Б., 1999; Формирование и эффективное развитие финансовой системы аграрного сектора Кыргызстана. Б., 2002; Экономическая эффективность аграрного сектора в условиях формирования рыночной финансовой системы. Б., 2004.

Колдонулган адабияттарОңдоо

  • “Кыргызстан”. Улуттук энциклопедия: 1-том. Башкы ред. Асанов Ү. А., Б.: Мамлекеттик тил жана энциклопедия борбору, 2006. ISBN 9967—14— 046—1